काठमाडौं। सीवाईसी नेपाल लघुवित्तले नाफा बढाएको छ। चालु आर्थिक वर्षको दोस्रो त्रैमाससम्ममा लघुवित्तको नाफा १०४.५८ प्रतिशतले बढेको हो।

पुस मसान्तसम्म लघुवित्तले ४ करोड ३१ लाख ६२ हजार खुद नाफा गरेको छ। पोहोर ६ महिनामा लघुवित्तको नाफा २ करोड १० लाख ९७ हजार रुपैयाँ थियो।

ब्याज आम्दानीसहित कम्पनीले प्रोभिजिनङ राइट ब्याक गर्दा नाफा बढेको हो। साथै, लघुवित्त खराब कर्जा घटाउन सफल भएको छ। पोहोर ६ महिनामा ४.७७ प्रतिशत रहेको खराब कर्जा घटेर अहिले ४.३५ प्रतिशतमा झरेको छ।

पुस मसान्तसम्म लघुवित्तले २ करोड ५३ लाख रुपैयाँ नाफा राइट ब्याक गरेको छ। पोहोर ६ महिनामा लघुवित्तले ८ लाख ९५ हजार प्रोभिजनिङ गरेको थियो।

लघुवित्तको ब्याज आम्दानी ३२ प्रतिशतले बढेर १७ करोड ४० लाख पुगेको छ। लघुवित्तको प्रति सेयर आम्दानि र नेटवर्थ बढेको छ। लघुवित्तको प्रति सेयर आम्दानी ३२.४० रुपैयाँ र नेटवर्थ २५१.४० रुपैयाँ पुगेको छ।

पुस मसान्तसम्म लघुवित्तको वितरणयोग्य नाफा ३ करोड ३६ लाख रुपैयाँ पुगेको छ।