काठमाडौं। सुनको मूल्य लगातार उकालो लागेको छ। शुक्रबार सुन तोलामा ४०० रुपैयाँ महँगिएको छ।
नेपाल सुनचाँदी व्यवसायी महासंघका अनुसार शुक्रबार सुनको मूल्य प्रति तोला १ लाख ६१ हजार ३०० रुपैयाँ निर्धारण भएको छ। यो हालसम्मकै उच्च मूल्य हो।
असोज ११ गते १ लाख ६१ हजार २०० रुपैयाँ पुगेर रेकर्ड ब्रेक भएकामा त्यसपछि घटेको सुनको भाउ केही दिनयता लगातार बढिरहेको छ।
सुनको मूल्य प्रति तोला बिहीबार १ लाख ६० हजार ९००, बुधबार १ लाख ६० हजार ८०० र मंगलबार १ लाख ६० हजार रुपैयाँ थियो।
यस्तै चाँदीको भाउ पनि उकालो लागेको छ। बिहीबार प्रति तोला १ हजार ९५० रुपैयाँमा कारोबार भएको चाँदीको मूल्य बढेर १ हजार ९८० रुपैयाँ पुगेको छ। चाँदीको भाउ प्रति तोला बिहिबार १५ र बुधबार १० रुपैयाँ बढेको थियो।
अन्तर्राष्ट्रिय बजारमा भाउ बढेकाले त्यसको असर नेपालमा पनि मूल्य बढेको महासंघले जनाएको छ।
