काठमाडौं। संसारभर औद्योगिक गतिविधि प्रभावित बनाएको कोरोना महामारीले अटोमोबाइल क्षेत्र पनि छाडेन। तर जब यो संक्रमणको असर घट्दै गयो, अटोमोबाइल क्षेत्र अस्वाभाविकरूपमा विद्युतीय गाडीको विकासमा लागिपरेको छ।

विभिन्न कम्पनीहरु दर्जनौं इलेक्ट्रिक मोडेलहरू २०२४ को अन्त्यमा बजारमा ल्याउने योजनामा छन्। गाडी उत्पादक कम्पनी सबै नयाँ मोडेलका इभीहरूमा ग्राहकले चाहे जस्तो सुविधासहितको आकारमा डिजाइन प्रस्ताव गर्दै छन्।

यस्ता योजनाहरुमा सेडान कार, एसयुभी र पिकअपहरू छन्। साथै यसमा प्लग-इन हाइब्रिड मोडेलहरूको पनि उपलब्ध हुनेछ।

नयाँ इभी र प्लग-इन हाइब्रिड मोडेलहरू विभिन्न सेगमेन्टहरूमा रोलआउट गर्नु भनेको उनीहरूको आवश्यकता अनुरूप वैकल्पिक इन्धन गाडीको खोजीमा रहेका उपभोक्ताहरूका लागि राम्रो सुविधा प्रदान गर्नु हो।

हुन्डाई आयोनिक-६

आयोनिक- ६ कम्पनीको इ-जीएमपी आर्किटेक्चरमा आधारित छ। यस आर्किटेक्चरमा आधारित आयोनिक-५ जस्तै लेटेस्ट जेनरेसनको इलेक्ट्रिक गाडी निर्माण हुने कम्पनीको भनाइ छ।

यो ह्याचब्याक भन्दा लगभग ८ इन्च लामो छ र यो अटोमेकरको पहिलो इलेक्ट्रिक सेडान हो। यसमा छोटो दुरीको लागि ५३ किलोवाट र लङ रेन्जको लागि ७७.४ किलोवाटको ब्याट्री विकल्प उपलब्ध हुनेछ। यो गाडी अल ह्वील ड्राइभमा उपलब्ध हुने कम्पनीले जनाएको छ। यसलाई पछाडि वा सबै-पाङ्ग्रे ड्राइभमा कन्फिगर गर्न सकिन्छ। यसमा दुईवटा मोटर प्रयोग गरिएको छ। उक्त मोटरले ३२० हर्सपावर शक्ति प्रदान गर्छ।

यसमा १२ इन्चको दुई वटा स्क्रिनहरू प्रयोग गरिएको छ। जुन एक उपकरण प्यानलको लागि र अर्को इन्फोटेनमेन्ट प्रणालीको लागि प्रयोग हुनेछ। साथै नयाँ लेटेष्ट हुन्डाई स्मार्टसेन्स छ। जसले पैदलीयात्रीको सेन्स गर्न सक्छ। साइकलयात्रीहरुलाई पनि यसले राम्रोसँग पहिचान गर्न सक्छ। यो मूल्य ४५ हजारदेखि ६० हजार डलरसम्म पर्ने अनुमान गरिएको छ। यो गाडी २०२३ को स्प्रिङ सिजन(वसन्त ऋतु)मा सार्वजनिक गर्ने योजना कम्पनीले बनाएको छ।

जीप रेकन

जीप रेकन फोर्ड ब्रोंको र ल्यान्ड रोभर डिफेन्डरसँग प्रतिस्पर्धा गर्न डिजाइन गरिएको नेक्स्ट जेनेरेसनको रेङ्लर जस्तो देखिन्छ।

कम्पनीले यसलाई एडभेन्चर्सका लागि तयार पार्न लागेको जनाएको छ। रेकनसँग इलेक्ट्रिक एक्सल लकिङ, विभिन्न ड्राइभिङ मोडहरु र अन्डरबडी प्रोटेक्सन उपलब्ध छ। कम्पनीका अनुसार रेङ्लरमा जस्तै यसमा पनि विन्ड-इन-द-हेयर ड्राइभिङ अनुभवको प्राप्त गर्न सकिन्छ। यसमा एक-टच पावरका साथै हटाउन सकिने ढोका र पछाडिको झ्यालहरू छन्।

यसमा याङ्लरको जस्तै ठूलो टायर, लङट्राभल सस्पेन्सन, एक्ट्रीम एप्रोच, डिपाचर तथा ब्रकओभर एङ्गलका साथै सिग्नेचर टु बक्सको बनावट कायम रहनेछ। रेकन इलेक्ट्रिकमा फ्लोरमुनी ब्याट्री प्याक राखिने छ। रेकनमा धेरै ठाँउमा ग्रीनहाउस ग्लासको प्रयोग हुनेछ।

यसको बिक्री २०२४ बाट सुरु हुने कम्पनीले जनाएको छ। यसको मूल्य भने हाल सार्वजनिक गरिएको छैन।

कियाको नयाँ निरो

दोस्रो पुस्ताको निरोले फेरि एकपटक खरिदकर्ताहरूलाई पारम्परिक हाइब्रिड, प्लग-इन हाइब्रिड र पूर्ण विद्युतीय मोडेलसहित तीन प्रभावकारी ड्राइभिङ मोडहरू प्रदान गर्ने भएको छ।

हाइब्रिड र प्लग-इन हाइब्रिडले १.६-लिटर फोर-सिलिन्डर इन्जिन र ६-स्पीड डुअल-क्लच अटोमेटिक ट्रान्समिसनमा जोडिएको इलेक्ट्रिक ड्राइभ प्रयोग गर्दछ। जसले क्रमशः १३९ र १८० हर्स पावर उत्पादन गर्छ।

कम्पनीका अनुसार यी गाडीको प्लग-इन संस्करणले इलेक्ट्रिक पावरमा ५३ किलोमिटरसम्म ड्राइभ गर्न सक्छ। यस्तै यसको इभी संस्करणले २०१ हर्सपावर उत्पादन गर्छ। यसमा भएको ब्याट्रीले एक पटकको फुल चार्जमा ४०७ किलोमिटरको ड्राइभिङ रेन्ज प्रदान गर्छ।

पहिलेको जस्तै निरो फ्रन्ट-व्हील ड्राइभको साथ मात्र आउँछ। क्याविन भित्र निरोलाई इन्स्ट्रुमेन्ट क्लस्टर र इन्फोटेनमेन्ट प्रणालीका साथै हेड-अप डिस्प्लेका लागि डुअल १०.२५ इन्चको स्क्रिन उपलब्ध छन्।

सुरक्षा सुविधाहरूमा अगाडि क्रयास चेतावनी, पैदल यात्री पत्ता लगाउने स्वचालित आपतकालीन ब्रेकिङ, ब्लाइन्ड स्पट चेतावनी, पछाडि क्रस ट्राफिक चेतावनी, लेन सेन्टरिङ असिस्ट र लेन राख्ने सहायता समावेश छ।

यही २०२२ को अन्यतिर सार्वजनिक हुने कम्पनीले जनाएको छ। यसको मूल्य २५ हजार डलरदेखि ४५ हजार डलरसम्म पर्नेछ।

ल्यान्डरोभर रेन्जरोभर स्पोर्ट इभी

यो पुन: डिजाइन गरिएको लक्जरी मिडसाइज एसयुभीले हाइब्रिड, प्रिमियम सुविधाहरू र अल्ट्रा-स्मुथ स्टाइलसहित विभिन्न पावरट्रेनहरू सहित ठूला रेन्जरोभरले प्रज्वलित गरेको ट्रेललाई पछ्याउँछ।

रेन्जरोभर स्पोर्टमा दुईवटा इनलाइन टर्बोचार्ज्ड भएको ६-सिलिन्डर इन्जिनहरू प्रयोग गरिने कम्पनीले जनाएको छ। जसले हल्का हाइब्रिड सेटअप प्रयोग गर्दछ। त्यही इन्जिनमा आधारित प्लग-इन हाइब्रिड र ट्विन-टर्बो भी ८ पनि हुनेछ। सबैमा ८-स्पीड अटोमेटिक ट्रान्समिसन प्रयोग गरिनेछ। सबै विद्युतीय संस्करण २०२४ को लागि लाइनअपमा सामेल हुनेछ। मिनिमलिस्ट इन्टेरियरमा प्याम्पर गर्नका लागि धेरै उपलब्ध सुविधाहरू छन्। जस्तै मसाज गर्ने सिट, प्रिमियम अडियो प्रणाली र साउन्ड सिस्टममा क्वालिटी राम्रो छ।

यसको मूल्य ८३ हजार डलरदेखि १ करोड २१ हजार डलर पर्ने कम्पनीले जनाएको छ।

टेस्ला साइबरट्रक

टेस्ला साइबरट्रक अल इलेक्ट्रिक पिकअप हो। ट्रकको डिजाइनले परम्परागत ट्रक फ्रेमलाई कडा स्टेनलेस स्टील 'एक्सोस्केलेटन' हवाईजहाजको डिजाइन जस्तै छ। यसको विन्डोका लागि अतिरिक्त बलियो ग्लासले प्रतिस्थापन गरेको छ।

टेस्लाले यसको ४० हजार डलरदेखि ६९ हजार डलरभन्दा धेरै मूल्य निर्धारण गरेको छ। यो साइबरट्रक एक पटकको फुल चार्जमा ४०२ किमि, ५६३ किमि र ८०४ किमिको ब्याट्री दायरासँग तीन ब्याट्री विकल्पमा आउनेछ।

कम्पनीले यो साइबरट्रकको २०२३ मा डेलिभरी गरिने जनाएको छ। यस्तै कम्पनीले टेस्ला रोडस्टर मोडल पनि ल्याउने तयारी गरिरहेको जनाएको छ। यसले एक पटकको फुल चार्जमा १ हजार किमि दुरी पार गर्न सकिन्छ।

निसान आरिया

आरिया निसानले २०२३ मा ल्याउने पहिलो इलेक्ट्रिक एसयुभी हो। हाल यसको सुरुवाती मूल्य लगभग ४६ हजार डलर तोकिएको छ।

यसमा दुई ब्याट्री विकल्पहरु उपलब्ध रहेका छन्। साथै यसमा अल ह्वील ड्राइभको विकल्प हुनेछ। सिंगल मोटर भएको फ्रन्ट-ड्राइभ संस्करणले २३८ हर्सपावर र डुअल-मोटर अल-ह्वील-ड्राइभ मोडेलहरूले ३८९ हर्सपावर उत्पादन गर्छ। लामो दूरीको ब्याट्रीले सुसज्जित फ्रन्ट-ह्वील-ड्राइभ मोडेलको अनुमानित ड्राइभिङ रेन्ज एक पटकको फुल चार्जमा ४८२ किलोमिटरसम्म हुनेछ। केबिनमा ठूलो साइजको तेर्सो डिस्प्ले स्क्रिन छ जसले इन्स्ट्रुमेन्ट क्लस्टर र इन्फोटेनमेन्ट प्रणाली दुवैको रूपमा काम गर्छ।

आरियासँग वायरलेस एन्ड्रोइड अटो र एप्पल कारप्ले अनुकूलता हुनेछ। यसमा सेन्सरहरु पनि उपलब्ध रहेका छन्। जसले पैदल यात्री तथा अटोमेटिक ब्रेकिङ सिस्टम पनि उपलब्ध छ।

यो गाडी २०२२ को अन्त्यमा सार्वजनिक हुनेछ।

मर्सिडिज- बेन्ज ईक्युएस एसयुभी

मर्सिडिज ईक्युएस एसयुभी इभी ल्याउने तयारी गरेको छ। यसमा मर्सिडीज-बेन्ज एस-क्लास सेडानसँग सम्बन्धित सबै फिचरहरु उपलब्ध हुनेछ।

यो तीनवटा भेरियन्टमा उपलब्ध रहेको छ। जसमा रियर-ड्राइभ सिंगल-मोटर कन्फिगरेसनमा फोरम्याटिक अपग्रेडले यसलाई अल-ह्विल ड्राइभ र दुईवटा मोटरहरू प्रदान गर्छ। दुवै कन्फिगरेसनहरूमा ९.६-किलोवाटको अनबोर्ड चार्जर छ र १०७.८-किलोवाटघण्टा लिथियम-आयन ब्याट्री प्रयोग हुनेछ। यो ब्याट्री चार्ज गर्न २०० किलोवाटको अधिकतम डीसी फास्ट-चार्जिङ आउटपुटसँग उपयुक्त छन्।

यसमा भएको ब्याट्रीले एक पटकको फुल चार्जमा ५६३ किलोमिटर रेन्ज दिन्छ।

एमबीयुएक्स हाइपरस्क्रिनले एउटै ग्लास कभर मुनि तीनवटा फरकफरक स्क्रिन समावेश गरिएको छ। जुन गाडीको लगभग सबै चौडाइमा फैलिएको हुन्छ।

यसको मूल्य १ लाख १० हजार डलरदेखि १ लाख ५० हजार डलरको बिचमा रहने कम्पनीले जनाएको छ। यसको २०२२ को अन्त्यसम्म सार्वजनिक गरिनेछ। भारतमा यही डिसेम्बरमा उक्त गाडी लन्च हुँदै छ।

होन्डा प्रोलोग इभी

होन्डाले अल न्यु प्रोलोग इभी मोडललाई २०२४ मा लन्च गर्ने योजना बनाएको छ। यो इलेक्ट्रिक एसयुभी जनरल मोटर्ससँगको साझेदारीमा विकास भइरहेको छ।

कम्पनीले यसलाई लामो १२१.८ इन्च ह्वीलबेस र छोटो ओभर ह्याङसहितको एडभेन्चर इभी तयार पारिरहेको छ। यसको क्याबिनमा ११ इन्चको डिजिटल इन्स्ट्रुमेन्ट प्यानल र ११.८ इन्चको इन्फोटेनमेन्ट स्क्रिन छ।

दुवै ट्याब्लेट कम्प्युटर जस्तै देखिन्छन्। प्रोलोग मोडल जीएम र सोनीसँग साझेदारीमार्फत सिर्जना गरिएको होन्डा इभीको नयाँ ई: आर्किटेक्चरमा आधारित छ। यो पनि २०२३ को अन्त्यतिर सार्वजनिक गर्ने तयारीमा छ।