काठमाडौं। हुन्डाई मोटर्सले सान्टा क्रुजलाई मोडर्न कम्प्याक्ट पिकअप ट्रक सेगमेन्टमा ल्याउने तयारी गरेको छ। यसमा प्रभावशाली इन्टेरियर, उत्कृष्ट ट्रिम लेभल र क्रसओभर-प्रेरित ह्यान्डलिंग समावेश छ।
हुन्डाईको यो सान्टा क्रुज पिकअप ट्रकको साथमा मिडसाइज क्रसओभर हो। यो गाडीले एक लिटर पेट्रोलमा सहरमा १२.१ किलोमिटर दुरी पार गर्न सक्छ। यस्तै राजमार्गमा ८.६ किलोमिटर दुरी पार गर्न सकिन्छ। यसको मूल्य ४१ हजार ५५३ डलर तोकिएको छ।
मल्टी- टेरियन कन्ट्रोल मोडका साथ अल ह्वील ड्राइभ सुविधा उपलब्ध छ। १९० हर्सपावर भएको २.५- लिटर ४- सिलिन्डरको साथै ८-स्पीड अटोमेटिक ट्रान्समिसन गियरबक्स रहेको छ। यस्तै अर्को भेरियन्टमा भने २.५- लिटर ४-सिलिन्डर इन्जिनको साथै २७५ हर्सपावर क्षमताको ८- स्पीड टर्बोचार्ज्ड सेटअप डुअल-क्लच अटोमेटिक ट्रान्समिसन गियरबक्स रहेको छ। यसमा सबै रियर र अल ह्वील ड्राइभ उपलब्ध छ।
यसमा ११८-२० इन्चसम्मको ह्वीलबेस छ। यसको टेल लाइटहरु क्यालिफोर्नियमा डिजाइन गरिएको छ। यो पिकअप हुन्डाईको नयाँ टक्सन मोडल जस्तै छ। यसमा ५ जनाको लागि सिट व्यवस्था गरिएको छ।
चालक सहायता र सुरक्षा प्रणालीको हुन्डाई स्मार्टसेन्स सुइट यसमा उपलब्ध हुनेछ। यो हुन्डाईको नयाँ सुरक्षा फिचर हो। जसले पैदल यात्रु र साइकल चालकको पहिचान, अटोमेटिक आपतकालीन ब्रेकिङ, लेन किप असिस्ट र सबै मोडलहरूमा चालकको ध्यान अनुगमन गर्ने जस्ता कामहरु गर्दछ।
साथै यसमा ब्लाइन्ड स्पट कोलिजन एभिएन्सेस असिस्ट, सेफ एक्जिट असिस्ट, ब्लाइन्ड स्पट मोनिटर, हाइवे ड्राइभ असिस्ट, स्मार्ट क्रूज कन्ट्रोल, वरपरको दृश्य मोनिटर र रियर क्रस-ट्राफिक कोलिजन एभेन्सेस असिस्टहरु समावेश छन्।
यो गाडीले ३ हजारदेखि ५ हजार पाउन्डसम्मको तौल भएका वस्तुहरुलाई तान्न सक्छ।
यसमा डुअल-ककपिट शैलीको भित्री भाग नयाँ २०२२ टक्सन मोडलसँग मिल्दोजुल्दो छ। जसमा अधिकांश प्यानल, स्विच, उपकरण र मल्टिमिडिया प्रविधि साझेदारी गरिएको छ। यसको अर्थ मल्टिमिडिया र जलवायु नियन्त्रणका लागि टच- सेन्सेटिभ प्यानलहरू र फरक लक र ड्राइभ मोडहरू जस्ता चीजहरूको लागि वास्तविक स्विचहरू राखिएका छन्।
