काठमाडौँ। नेपाल धितोपत्र बोर्डले पूँजी बजार बिस्तारका लागि नेपालमै पहिलो पटक पूँजी बजार प्रदर्शनी गर्ने भएको छ। बोर्डको मुख्य आयोजनामा बैशाख २६ र २७ गते प्रदर्शनी आयोजना हुने बोर्डका साहायक प्रबक्ता निरञ्य घिमिरेले जानकारी दिए।
पूँजी बजारसँग प्रत्यक्ष सम्बन्ध राख्ने नेपाल स्टक एक्सचेन्ज, मर्चेन्ट बैंक, धितोपत्र दलाल, सुचिकृत कम्पनी र सामुहिक लगानी कोष लगायतको उपस्थिति रहने बोर्डले जनाएको छ।
भृकुटीमण्डपमा आयोजना गर्न लागिएको प्रदर्शनीमा १७० स्टल रहने छ। प्रदर्शनीमा पूँजी बजारसँग सम्बन्धित सरोकारवालाले स्टलबाटै अबलोकनकर्तालाई आफ्नो ब्यबसाय, क्षेत्र र सेवाका बारेमा जानकारी दिने छन्।
प्रदर्शनीमा अवलोकनकर्ताले निशुल्क प्रवेश पाउने छन्। प्रदर्शनीमा धितोपत्र बजारसँग सम्बन्धित कम्पनीले अन्तरक्रिया र कार्यपत्र प्रस्तुत गर्ने छन्।