काठमाडौं । नवरात्रको पहिलो दिन आज घरघरमा घटस्थापनासहित जमरा राखिँदैछ।
शैलपुत्रीको आह्वान गरेर विधिपूर्वक पूजाआराधना गरेर आज घरको पूजाकोठा वा दसैँघरमा विधिपूर्वक घटस्थापना गरिन्छ।
शैलपुत्री नवदुर्गाका नौ स्वरूपमध्ये प्रथम हुन्। गिरिराज हिमालयकी पुत्री पार्वती नै शैलपुत्री भएको उल्लेख देवीकवच, मार्कण्डेय पुराणलगायत ग्रन्थमा गरिएको छ।
घटस्थापनाकै अवसरमा आज हनुमानढोका दरबारभित्र दसैं घरमा पनि पूजा गरेर जमरा राखिएको छ। घटस्थापना गर्दा नेपाली सेनाको टोलीले धिमे र भुस्या बाजा बजाएका थिए।
