काठमाडौं। माछापुच्छ्रे बैंकले लाभांश घोषणा गरेको छ। बैंक सञ्चालक समितिको शुक्रबार बसेको बैठकले सेयरधनीलाई चुक्ता पुँजीको ६ प्रतिशत लाभांश दिने निर्णय गरेको हो।
सेयरधनीलाई ३ प्रतिशत बोनस सेयर र कर प्रयोजनसहित ३ प्रतिशत नगद लाभांश दिने निर्णय गरेको बैंकले जनाएको छ।
बैंकको चुक्ता पुँजी हाल १२ अर्ब ८ करोड ६२ लाख रुपैयाँ छ। उसले बोनस सेयर र नगद लाभांश गरी कुल ७२ करोड ५० लाख ९२ हजार ६९४ रुपैयाँ बराबर लाभांश वितरण गर्ने भएको हो।
बैंकका सेयरधनीले नेपाल राष्ट्र बैंकको स्वीकृति र कम्पनीको वार्षिक साधारण सभाबाट पारित भएपछि लाभांश पाउनेछन्।
