काठमाडौं। विभिन्न जलविद्युत आयोजनामा कार्यरत २०० भन्दा बढी कर्मचारी अझै सम्पर्कमा नरहेको स्वतन्त्र ऊर्जा उत्पादकहरुको संस्था इप्पानले जनाएको छ।
इप्पानका अनुसार निर्माणाधीन २१६ मेगावाटको माथिल्लो त्रिशूली-१ जलविद्युत आयोजनामा काम गर्ने एन्ड्रिज हाइड्रोका ७६ जना अझै सम्पर्कमा आएका छैनन्। तीमध्ये आधा नेपाली र आधा विदेशी हुन्।
आयोजनाको प्रवर्धक नेपाल वाटर एण्ड इनर्जी डेभलपमेन्ट कम्पनीका ११ जना सम्पर्कबिहीन छन्। तीमध्ये ८ जना कोरियन नागरिक हुन्।
आयोजनाको परामर्शदाता जेड कन्सल्ट र लामा जेभियर्स जेभीका ७ जना पनि सम्पर्क बिहीन छन्।
इप्पानका अनुसार आयोजनामा कार्यरत १२ जना हेडवर्क्स क्षेत्रमा र २०० जनाभन्दा बढी विद्युतगृह क्षेत्रमा उद्धारको पर्खाइमा छन्।
१११ मेगावाटको रसुवागढी आयोजनाका ५१ जना, ५ मेगावाटको मैलुङ खोला आयोजनाको विद्युतगृहमा कार्यरत ८ जना र १२० मेगावाटको भोटेकोशी आयोजनामा कार्यरत सिभिल कन्ट्र्याक्टर सिनो हाइड्रोका २ जना र २० मेगावाटको लाङटाङ खोला आयोजनाका ६० जना सम्पर्कमा छैनन्। रसुवागढी आयोजनाका ३ जनाले अग्लो ठाउँमा उक्लिएर ज्यान जोगाएका छन्।
