म्यानमारमा शुक्रबार गएको भूकम्पमा मृत्यु हुनेको संख्या दुई हजार नाघेको छ।
हालसम्म दुई हजार ५६ जनाको मृत्यु भएको म्यानमारको जुन्ता सरकारले जनाएको छ। ३ हजार ९०० भन्दा बढीफ घाइते भएका छन्।
२७० जना अझै हराइरहेका छन्। मृत्यु हुनेको संख्या बढ्न सक्ने विभिन्न आंकलन पनि भइरहेको छ।
मृतकको संख्या बढ्दा दाहसंस्कार गर्ने स्थलहरुमा चाप बढेको छ। यस्तै, अस्पतालहरुमा पनि बिरामी र घाइतेको चाप बढेको बताइन्छ।
मृतकको शरीर राख्ने ‘बडी ब्याग’ को मूल्य नै बढेको छ। पहिला ९ हजार क्याट्स (करिब ५८५ रुपैयाँ) पर्ने ब्यागको मूल्य अहिले १० हजार देखि २० हजार क्याट्स (६५० रुपैयाँदेखि १ हजार ३०० रुपैयाँसम्म) पुगेको छ।
