काठमाडौं। राष्ट्रिय प्रजातन्त्र पार्टी (राप्रपा) का नेता रविन्द्र मिश्र र धवल शम्शेर राणासहित ४१ जनाविरुद्ध प्रहरीले अनुसन्धान अगाडि बढाएको छ।
मिश्र र राणासहित ११ जनाविरुद्ध राज्यविरुद्धको कसुर र संगठित अपराध तथा ३० जनाविरुद्ध संगठित अपराधमा अनुसन्धान अगाडि बढाइएको हो।
अनुसन्धानका लागि प्रहरीले ४१ जनालाई म्याद थपका लागि जिल्ला अदालत काठमाडौंमा उपस्थित गराएको छ। सोमबार उनीहरूलाई हतकडी र थुनुवाको ज्याकेट लगाएर अदालतमा उपस्थित गराएको हो।
शुक्रबार भएको राजावादीको प्रदर्शनका क्रममा निजी भवन तथा सवारी साधनमाथि आक्रमण भएको थियो। जसमा दुई जनाको मृत्युसमेत भएको छ।
प्रदर्शनका कमान्डर दुर्गा प्रसाइँ भने हालसम्म फरार छन्।
