काठमाडौं । सिद्धार्थ बैंकले ‘ग्लोबल मनिविक’ अन्तर्गत विभिन्न कार्यक्रम आयोजना गरि अभियान सम्पन्न गरेको छ।
अभियानलाई सार्थक बनाउने प्रयास स्वरुप बैंकले ७ वटै प्रदेशमा विद्यालय र क्याम्पस गरि २४ स्थानहरुमा विद्यार्थी लक्षित वित्तीय साक्षरता कार्यक्रमहरु संचालन गरेको थियो।
बैंकले प्रदान गर्ने सेवा, डिजिटल कारोबार र यसमा अपनाउनुपर्ने सावधानीका विषयमा विद्यार्थीहरुलाई सचेत गराइएको थियो। वित्तिय ज्ञान, सीप, मनोवृत्ति तथा व्यवहारमा सुधार ल्याउने उद्देश्यले संचालन गरिएका ती कार्यक्रमहरुमा १ हजार २१२ जना विद्यार्थी सहभागी भएका थिए।
यसका साथै, विद्यार्थीहरुलाई बैंकको आधारभूत बैकिङ संचालन र विभिन्न बैंकिङमाध्यमहरु सम्बन्धी व्यवहारिक रुपमा शिक्षा प्रदान गर्ने उद्देश्यले ४४८जना विद्यार्थीलाई बैंकको विभिन्न शाखामा भ्रमण पनि गराइएको थियो।
सो सप्ताहव्यापी अभियान अन्तर्गत बैंकले कूल ३८ कार्यक्रममार्फत १ हजार ६६० विद्यार्थीलाई वित्तीय शिक्षा प्रदान गरेको जनाइएको छ।
बैंकले देशका सम्पूर्ण व्यक्तिमा वित्तीय सेवाको पहुँच पुर्याउने र हरेक वर्ग र क्षेत्रका मानिसलाई वित्तीय चेतना प्रदान गरि वित्तीय सशक्तीकरण गर्ने उद्देश्यले ती कार्यक्रमहरु संचालन गरेको जनाएको छ।
