अर्जेन्टिनी फुटबल टोलीले फिफा विश्वकप २०२६ का लागि स्थान सुरक्षित गरेको छ। आज सम्पन्न दक्षिण अमेरिकी छनोट अन्तर्गतको खेलमा चिर प्रतिस्पर्धी ब्राजिलमाथि ४-१ गोलको फराकिलो जित निकाल्दै अर्जेन्टिना विश्वकप पुगेको हो।
अर्जेन्टिनाको बुएनोस एरिजस्थित स्टेडियो मास मनुमेन्टलमा सम्पन्न खेलमा अर्जेन्टिनालाई जित दिलाउन जुलियन अल्भारेज, इन्जो फर्नान्डेज, एलेक्सिस म्याक एलिस्टर र जुलियानो सिमेओनले गोल गरे। अर्कोतर्फ ब्राजिलका लागि म्याथुस कुन्हाले निर्णायक गोल गरे। अर्जेन्टिनी टोलीका नियमित कप्तान लियोनल मेस्सी र ब्राजिली टोलीमा पुनरामगन कुरिरहेका नेइमार आजको खेलमा सहभागी थिएनन्।
यो जितसँगै अंकतालिकामा अर्जेन्टिनाको स्पस्ट ८ अंकको अग्रता छ। अर्जेन्टिनाले १४ खेलबाट ३१ अंक बनाउँदा दोस्रो स्थानको इक्वेडरले समान खेलबाट २३ अंक बनाएको छ। तेस्रो, चौथो र पाँचौँ स्थानका उरुग्वे, ब्राजिल र पाराग्वेको समान २१ अंक छ।
