इण्डियन प्रिमियर लिग (आईपीएल) मा रोयल च्यालेन्जर्स बेङ्ग्लुरुले विजयी सुरुवात गरेको छ। कोलकाताको इडन गार्डन स्टेडियममा आज सम्पन्न खेलमा बेङ्ग्लुरुले घरेलु टोलीलाई ७ विकेटले हराउँदै विजयी सुरुवात गरेको हो।
धुमधामका साथ गरिएको उद्घाटन समारोहमा शाहरुख खानले विराट कोहली र रिंकु सिंहसँग ‘लुटपुट गया’मा नृत्य गरेका थिए। त्यस्तै करण अजुलिया र दिसा पटानीले पनि पर्फमेन्स दिएका थिए। त्यस्तै, श्रेया घोसालले पनि गीत गाउँदै उद्घाटनको माहोल भब्य बनाएकी थिइन्।
King Khan 🤝 King Kohli
— IndianPremierLeague (@IPL) March 22, 2025
When two kings meet, the stage is bound to be set on fire 😍#TATAIPL 2025 opening ceremony graced with Bollywood and Cricket Royalty 🔥#KKRvRCB | @iamsrk | @imVkohli pic.twitter.com/9rQqWhlrmM
उद्घाटन खेलमा टस हारेर ब्याटिङमा उत्रिएको कोलकाताले निर्धारित २० ओभरमा ८ विकेट गुमाउँदै १७४ रन बनाएको थियो। यसक्रममा अजिंक्य रहाणेले सर्वाधिक ५६ रन बनाउँदा सुनिल नारेनले ४४ तथा अङक्रिस रघुवंशीले ३० रन बनाए।
बलिङतर्फ बेङ्ग्लुरुका क्रुणाल पाण्ड्याले ३ विकेट लिँदा जोस हेजलवुडले २ तथा यस डायल, रसिक सलाम र सुयस शर्माले समान १ विकेट लिए।
जवाफी ब्याटिङमा उत्रिएको बेङ्ग्लुरुले १६.२ ओभरमा ३ विकेट गुमाउँदै लक्ष्य भेट्टायो। बेङ्ग्लुरुका लागि विराट कोहलीले सर्वाधिक अविजित ५९ रन बनाउँदा फिल साल्टले ५६ तथा रजत पतिदारले २६ रन बनाए।
बलितर्फ कोलकाताका वैवभ अरोर, बरुण चक्रवर्ती र सुनिल नारेनले समान १ विकेट लिए।
