काठमाडौं। समाज लघुवित्तले नाफामा गिरावट आएको छ। चालु आर्थिक वर्षको दोस्रो त्रैमाससम्ममा लघुवित्तको नाफा ९९.७६ प्रतिशतले खुम्चिएको छ।

पुस मसान्तसम्म लघुवित्तले १२ हजार खुद नाफा गरेको छ। पोहोर ६ महिनामा लघुवित्तले ५१ लाख ३० हजार रुपैयाँ नाफा गरेको थियो। लघुवित्तको कर्जा नोक्सानी घटे पनि ब्याज आम्दानी र फी-कमिसन घट्दा नाफा खुम्चिएको हो।

चालु आवको ६ महिनामा लघुवित्तले ९५ लाख ५१ हजार प्रोभिजनिङ गरेको छ। पोहोर ६ महिनामा लघुवित्तको प्रोभिजनिङ ३ करोड ११ लाख थियो। लघुवित्तको ब्याज आम्दानी ४७.४६ प्रतिशतले घटेर १ करोड ६ लाखमा खुम्चिएको छ। फि कमिसन ६१.८३ प्रतिशतले खुम्चिएको छ।

लघुवित्तको खराब कर्जा भने बढेको छ। पोहोर ६ महिनामा ४.८२ प्रतिशत रहेको खराब कर्जा अहिले ४.९० पुगेको हो। प्रति सेयर आम्दानी ऋणात्मक छ भने नेटवर्थ २२२.०२ रुपैयाँ छ।