काठमाडौं। ५ वर्षदेखि राइड सेयरिङ सुविधा दिइरहेको पठाओ नेपालले कार प्लस सुविधा सुरू गरेको छ। कम्पनीले प्रिमियम राइड लिन चाहने ग्राहकहरूका लागि नयाँ फिचर्स थपेको हो।
कार प्लसका गाडी राम्रोसँग मेन्टेन गरिएका र एसी सुविधासहित हुने पठाओ नेपालका प्रवन्ध निर्देशक असिममान सिंह बस्न्यातले जानकारी दिए।
नयाँ फिचर्स पठाओ कार बुक गर्ने बेला रोज्न सकिने कम्पनीले जनाएको छ। यो फिचर हालका लागि काठमाडौं उपत्यकामा मात्र लागू गरिएको छ।
