काठमाडौं। नेपाल स्टक एक्सचेन्ज(नेप्से)ले सिटिजन लाइफ इन्स्योरेन्सको सेयर कारोबार रोक्का गरेको छ।
कम्पनीले लाभांशबारे पटक पटक सूचना परिवर्तन गरेको भन्दै कारबाहीस्वरुप नेप्सेले कम्पनीको सेयर कारोबार रोक्का गरेको हो।
लगानीकर्ताको हित र धितोपत्र कारोबारलाई स्वच्छ राख्नका लागि कम्पनीको सेयर कारोबार रोक्का गरेको नेप्सेले जनाएको छ।
सिटिजन लाइफले आइतबार २६.९८ प्रतिशत बोनस सेयर र कर प्रयोजनका लागि १.४२ प्रतिशत नगद लाभांश वितरण गर्ने निर्णय गरेको थियो।
लाभांश प्रस्तावमा नियामक नेपाल बीमा प्राधिकरणले असहमति जनाउँदै रद्द गर्न निर्देशन दिएपछि कम्पनीले मंगलबार रद्द गरिएको जानकारी गराएको छ।