काठमाडौं। प्रभु इन्स्योरेन्सले लाभांश घोषणा गरेको छ।
कम्पनीले गत आर्थिक वर्षको मुनाफाबाट चुक्ता पुँजीको ४.७५ प्रतिशत अर्थात ६ करोड ५३ लाख ६५ हजार ८०७ रुपैयाँ बराबरको बोनस सेयर र बोनस सेयरमा कर प्रयोजनार्थ ०.२५ प्रतिशतले हुन आउने ३४ लाख ४० हजार ३०६ रुपैयाँ बराबर नगद लाभांश वितरण गर्ने घोषण गरेको हो।
कम्पनीको चुक्ता पुँजी हाल १ अर्ब ३७ करोड ६१ लाख रुपैयाँ छ।
कम्पनीको आइतबार बसेको सञ्चालक समितिको लाभांश सम्बन्धी निर्णय नेपाल बीमा प्राधिकरणले स्वीकृत र साधारण सभाले पारित गरेपछि मात्रा कार्यान्वयन हुनेछ।