काठमाडौं। निजी वायुसेवा कम्पनी यती एयरलाइन्सले भ्यालेन्टाइन डे लक्षित आकर्षक योजना सार्वजनिक गरेको छ। कम्पनीले यो दिन एक जोडीलाई नौ हजार आठ सय ४८ रुपैयाँमै माउन्टेन फ्लाइटको प्याकेज बनाएको छ।
कम्पनीका अनुसार यो उडानका लागि झ्याल पट्टीको सिटका लागि आठ हजार आठ सय ४८ रुपैयाँ भाडादर निर्धारण गरिएको छ।
यो दिन माउन्टेन फ्लाइट गर्ने भाग्यशाली जोडीले गोकर्ण फरेष्ट रिसोर्टमा निःशुल्क बिबि(बेड एण्ड ब्रेकफास्ट) सहितको नाइट स्टे सुविधा लिन सक्ने कम्पनीले जनाएको छ। कम्पनीका अनुसार यो दिन यात्रुले १५ प्रतिशत छुट पाउन सक्नेछन्।
सोमबार आयोजना गर्न लागिएको माउन्टेन फ्लाइटमा कलाकार स्वस्तिमा खड्काको सहभागिता रहने कम्पनीले जनाएको छ।