काठमाडौं। बाढीले त्रिशूली नदीमाथिको पुल बगाएपछि टुटेको धादिङबेसीको सडक सम्पर्क पुनः जोडिएको छ।
परेवाटार-नेपालटार-गजुरीटार-पिपलटार-आदमटार-बेलिनटार-केउरिनीटार हुँदै मास्टारसम्मको वैकल्पिक सडक सञ्चालनमा आएपछि सदरमुकाम सडक सञ्जालमा जोडिएको हो।
गत बुधबार रसुवाको भोटेकोशीमा आएको भीषण बाढीले धादिङबेसी जाने त्रिशूली नदीमाथिको पुल बगाएको थियो। पुल बगेपछि धादिङ सदरमुकामसँगको नियमित सडक सम्पर्क टुटेको थियो।
वैकल्पिक सडक सञ्चालनमा आएपछि धादिङबेसी आउजाउ गर्न सहज भएको छ। परेवाटारदेखि मास्टारसम्मको सडक प्रयोग गरेर सदरमुकाम पुग्न सकिने भएको छ।
पुल बगाएपछि धादिङबेसी सडक सञ्जालबाट अलग भएको अवस्थामा वैकल्पिक मार्ग सञ्चालनमा आएको हो। यसले सदरमुकाम र आसपासका क्षेत्रमा आवागमन तथा आवश्यक सामग्रीको ओसारपसारमा राहत पुग्ने अपेक्षा गरिएको छ।
