बिहिवारदेखि युवा उद्यमी मञ्चले स्वदेशी उत्पादन प्रवद्र्धनका लागि भृकुटीमण्डपमा प्रदर्शनी सुरु गरेको छ । हाम्रै नेपालको यो प्रदर्शनीमा नेपालमा उत्पादन भएका गाडीदेखि गमलासम्म प्रदर्शनीमा छन् । प्रदर्शनीमा स्वदेशी ब्राण्डमा वाइन उपलब्ध छ, रंगिविरंगी फेशनका कपडा छन् ।
नेपाल उद्योग वाणिज्य महासंघ, नेपाल चेम्वर अफ कमर्श, नेपाल उद्योग परिसंघले सघाएको यो मेला आइतवासम्म चल्ने । प्रदर्शनीमा स्वदेशी ब्राण्डमा वाइन उपलब्ध छ, रंगिविरंगी फेशनका कपडा छन् ।
नेपाल उद्योग वाणिज्य महासंघ, नेपाल चेम्वर अफ कमर्श, नेपाल उद्योग परिसंघले सघाएको यो मेला आइतवासम्म चल्नेछ । मेलामा बन्न लागेको काठमाडौं–हेटौडा सुरुङ मार्गको डेमो पनि छ । अरु के छ ?
सुरुङ्ग मार्ग : काठमाडौं–कुलेखानी–हेटौडा सुरुङ मार्गको छोटो अनुभव प्रदर्शनीमा छ । नेपाल पूर्वाधार विकास कम्पनीले बनाउन लागेको यो सुरुङ मार्ग निर्माणका लागि निजी–सार्वजनिक साझेदारीको अवधारणा अघि सारिएको छ । परियोजना बनाउन लाग्ने अर्बौं रुपैयाँ रकम सर्वसाधरणसँगबाट समेत उठाउने योजना कम्पनीको छ ।
हुलास जीप ः प्रधानमन्त्री डा. बाबुराम भट्टराईले हुलासको जीप चढेपछि अधिकांश नेपालीले नेपालमा पनि गाडी बन्दो रहेछ भन्ने अनुभव गरेका थिए । नेपालमा बन्ने गाडीको झलक हाम्रै नेपालको प्रदर्शनीमा देख्न सकिन्छ । हुलास नेपालमा गाडी उत्पादन गर्ने पहिलो र एक्लो कम्पनी हो ।
डाँडाघरे वाइन : मेलाको अर्को आर्कषण डाँडाघरे वाइन पनि हो । पश्चिम नेपालमा उत्पादन हुने डाँडाघरे वाइन अहिले पुरै नेपालमा लोकप्रिय बनेको छ ।
पाल्पाली ढाका : मेलामा पाल्पाली ढाकाका विभिन्न उत्पादनहरु पनि पाइन्छ ।
कार्पेट : मेलामा आर्कषणको केन्द्रमा नेपाली कार्पेट पनि छ, कुनै वेला विदेश निर्यातमा चलेको कार्पेट उद्योग अहिले मन्दीको मारमा छ । तर नेपालीहरु पनि नेपालमा उत्पादन भएको कार्पेट खरिद गर्ने हैसियतमा पुगिसकेका छन् । अहिले नेपाली कार्पेट नेपालमा पनि राम्रै विक्री हुने वस्तुमा पर्दछ ।
बेतका फर्निचर : मेलामा बेत बाँसका कुर्ची, टेवल, सोफा लगायतका विभिन्न फर्निचरहरु पनि छन् । नेपालमा पछिल्ला दिनमा यस्ता फर्निचरको लोकप्रियता बढ्दै गएको छ ।
तयारी पोशाक : मेलामा महिला तथा पुरुषका विभिन्न पहिरनहरु पनि छन् । तेस्रो देशमा हुने तयारी पोशाकको बजार घटे पछि अहिले नेपाली कम्पनी नेपालकै लागि उत्पादन गरिरहेका छन् ।
घरेलु उत्पादन : मेलामा सबैभन्दा बढी घरेलु उत्पादनका स्टलहरु छन्
