काठमाडौं। बुधवार तेस्रो त्रैमाशको वित्तीय विवरण सार्वजनिक गरेका नेपाल बंगलादेश बैंकको नाफा २९ प्रतिशत, माछापुच्छ्रे बैंकको दुई सय २३ प्रतिशत र सेन्चुरी कमर्सियल बैंकको एक सय ६१ प्रतिशत नाफा बढेको छ ।
बगलादेशकाे नाफा ४० कराेड
चालु आवको तेस्रो त्रैमाशमा नेपाल बंगलादेशको नाफा बढेर ४० करोड १७ लाख रुपैयाँ पुगेको छ । गत आवको यही अवधिमा बैंकको नाफा ३१ करोड आठ लाख रुपैयाँ थियो । बैंकको नाफा दोस्रो त्रैमाशको तुलनामा भने करिब ४८ प्रतिशतले बढेको हो ।
चालु आवको तेस्रो त्रैमाशमा नेपाल बंगलादेशको नाफा बढेर ४० करोड १७ लाख रुपैयाँ पुगेको छ । गत आवको यही अवधिमा बैंकको नाफा ३१ करोड आठ लाख रुपैयाँ थियो । बैंकको नाफा दोस्रो त्रैमाशको तुलनामा भने करिब ४८ प्रतिशतले बढेको हो ।
.jpg)
गत आवको यो अवधिको तुलनामा बैंकको खुद व्याज आम्दानी भने २९.६५ प्रतिशतले बढ्न सकेको छ । गत बर्ष ४३ करोड ३६ लाख यस्तो आम्दानी भएको बैंकको ५६ करोड २२ लाख रुपैयाँ पुगेको छ । बैंकको दोस्रो त्रैमाशमा ५.८१ रहेको स्प्रेडदर तेस्रो त्रैमाशमा बढेर ६.१२ भएको छ । बैंकको अघिल्लो बर्षको तुलनामा व्याज आम्दानी २७ प्रतिशतले बढ्यो भने व्याज लागत पनि करिब २५ प्रतिशतले नै वृद्धि भयो ।
अघिल्लो बर्षको तुलनामा बैंकको कर्जा करिब ३७ प्रतिशतले बढेर १७ अर्ब ६० करोड रुपैयाँ पुगेको छ, निक्षेप पनि ५९ प्रतिशतले बढेर २३ अर्ब ५२ करोड रुपैयाँ पुग्यो । बैंकको रियल स्टेटमा भएको कर्जा लगानी गत बर्षको तुलनामा करिब ७४ प्रतिशतले बढेर एक अर्ब ३२ करोड रुपैयाँ भएको छ । तर यो कुल कर्जाको आधारमा भने ७.५१ प्रतिशत लगानी हो । बैंकको कर्जा निक्षेप अनुपात ६७.४२ रहेको छ ।
बैंकले बैदेशिक बिनिमयबाट छ करोड ५५ लाख नाफा कमाएको छ । यो अघिल्लो पटक भएको आम्दानीभन्दा ३४ प्रतिशत बढि हो । बैंकको कर्मचारी र अन्य खर्च १५.८८ प्रतिशतले बढेको छ । बैंकले यसअघि सम्भावित जोखिम बापत छुट्याएको १४ करोड ४१ लाख रुपैयाँ फिर्ता ल्याएको छ । बैंकले यसपटक सम्भावित जोखिम बापतको व्यवस्था भने १९ प्रतिशतले वृद्धि गरेर १९ करोड ९४ लाखमा बनाएको छ । त्यस्तै, बैंकको कुल कर्जामा खराब कर्जाको हिस्सा १.८ प्रतिशत रहेको छ भने सम्भावित जोखिम वापत १३३ प्रतिशत रकम छुट्याएको छ । बैंकको सञ्चालन नाफा भने ६८ प्रतिशतले बढेर ३८ करोड नौं लाख रुपैयाँ पुगेको छ ।
बैंकको पुजी कोष पर्याप्तता ११.५१ रहेको छ । बैंकको कोष लागत ६.०५ बाट घटेर ५.५६ मा सिमित भएको छ । बैंकको बेस रेट ८.५, प्रतिसेयर आम्दानी २४, मूल्य आम्दानी अनुपात २५ र प्रतिसेयर नेटवर्थ १८० रुपैयाँ रहेको छ ।
माछापुच्छ्रे बैंकले पनि कमायाे ३१ कराेड
त्यस्तै, माछापुच्छ्रे बैंकको नाफा ३.२३ गुणाले बढेर ३१ करोड ७९ लाख रुपैयाँ पुगेको छ । गत आवको यही अवधिमा बैंकको नाफा नौं करोड ८३ लाख रुपैयाँ थियो । बैंकको नाफा दोस्रो त्रैमाशको तुलनामा भने करिब ५५ प्रतिशतले बढेको हो ।
गत आवको यो अवधिको तुलनामा बैंकको खुद व्याज आम्दानी भने १७ प्रतिशतले बढ्न सकेको छ । गत बर्ष ६६ करोड १५ लाख यस्तो आम्दानी भएको बैंकको ७७ करोड ८० लाख रुपैयाँ पुगेको छ । बैंकको तेस्रो त्रैमाशमा स्प्रेडदर ५.६५ रहेको छ । बैंकको अघिल्लो बर्षको तुलनामा व्याज आम्दानी र व्याज खर्च दुवै १७ प्रतिशतले वृद्धि भयो । अघिल्लो बर्षको तुलनामा बैंकको कर्जा करिब ३७ प्रतिशतले बढेर २७ अर्ब ५३ करोड रुपैयाँ पुगेको छ, निक्षेप पनि ३६ प्रतिशतले बढेर ३३ अर्ब ८१ करोड रुपैयाँ पुग्यो । बैंकको रियल स्टेटमा भएको कर्जा लगानी गत बर्षको तुलनामा करिब १२ प्रतिशतले घटेर दुई अर्ब ३५ करोड रुपैयाँ भएको छ । तर यो कुल कर्जाको आधारमा भने ८.५५ प्रतिशत लगानी हो । बैंकको कर्जा निक्षेप अनुपात ७४.७५ रहेको छ ।
बैंकले बैदेशिक बिनिमयबाट दुई करोड ९० लाख नाफा कमाएको छ । यो अघिल्लो पटक भएको आम्दानीभन्दा ३७ प्रतिशत बढि हो । बैंकको कर्मचारी र अन्य खर्च ७.१५ प्रतिशतले बढेको छ । बैंकले यसअघि सम्भावित जोखिम बापत छुट्याएको सात करोड ४० लाख रुपैयाँ फिर्ता ल्याएको छ । बैंकले यसपटक सम्भावित जोखिम बापतको व्यवस्था भने ६५ प्रतिशतले घटाएर ११ करोड ४५ लाखमा सिमित पारेको छ । त्यस्तै, बैंकको कुल कर्जामा खराब कर्जाको हिस्सा २.२ प्रतिशत रहेको छ भने सम्भावित जोखिम वापत ८८ प्रतिशत रकम छुट्याएको छ । बैंकको सञ्चालन नाफा भने ४९५ प्रतिशतले बढेर ३९ करोड ५८ लाख रुपैयाँ पुगेको छ ।
बैंकको पुजी कोष पर्याप्तता १०.६८ रहेको छ । बैंकको कोष लागत ६.५८ बाट घटेर ५.९९ मा सिमित भएको छ । बैंकको बेस रेट ८.५७, प्रतिसेयर आम्दानी १७, मूल्य आम्दानी अनुपात २७ र प्रतिसेयर नेटवर्थ १२५ रुपैयाँ रहेको छ ।
सेन्चुरी बैंकको नाफा छ कराेड मात्रै
त्यसैगरी, सेन्चुरी कमर्सियल बैंकको नाफा २.६१ गुणाले बढेर छ करोड २६ लाख रुपैयाँ पुगेको छ । गत आवको यही अवधिमा बैंकको नाफा दुई करोड ३९ लाख रुपैयाँ थियो । बैंकको नाफा दोस्रो त्रैमाशको तुलनामा भने करिब ५८.५२ प्रतिशतले बढेको हो ।
गत आवको यो अवधिको तुलनामा बैंकको खुद व्याज आम्दानी भने २८.३१ प्रतिशतले बढ्न सकेको छ । गत बर्ष २२ करोड तीन लाख यस्तो आम्दानी भएको बैंकको २८ करोड २७ लाख रुपैयाँ पुगेको छ । बैंकको तेस्रो त्रैमाशमा स्प्रेडदर ४.९ बाट घटेर ४.२५ सिमित भएको छ । बैंकको अघिल्लो बर्षको तुलनामा व्याज आम्दानी ६० प्रतिशत र व्याज लागत ७९ प्रतिशतले वृद्धि भयो ।
अघिल्लो बर्षको तुलनामा बैंकको कर्जा करिब ७५ प्रतिशतले बढेर १४ अर्ब ३७ करोड रुपैयाँ पुगेको छ, निक्षेप पनि ७८.५७ प्रतिशतले बढेर १६ अर्ब ७० करोड रुपैयाँ पुग्यो । बैंकको रियल स्टेटमा भएको कर्जा लगानी गत बर्षको तुलनामा करिब ४३ प्रतिशतले बढेर ५१ करोड ५४ रुपैयाँ भएको छ । तर यो कुल कर्जाको आधारमा भने ३.५८ प्रतिशत लगानी हो । बैंकको कर्जा निक्षेप अनुपात ७६.४९ रहेको छ ।
गत आवको यो अवधिको तुलनामा बैंकको खुद व्याज आम्दानी भने २८.३१ प्रतिशतले बढ्न सकेको छ । गत बर्ष २२ करोड तीन लाख यस्तो आम्दानी भएको बैंकको २८ करोड २७ लाख रुपैयाँ पुगेको छ । बैंकको तेस्रो त्रैमाशमा स्प्रेडदर ४.९ बाट घटेर ४.२५ सिमित भएको छ । बैंकको अघिल्लो बर्षको तुलनामा व्याज आम्दानी ६० प्रतिशत र व्याज लागत ७९ प्रतिशतले वृद्धि भयो ।अघिल्लो बर्षको तुलनामा बैंकको कर्जा करिब ७५ प्रतिशतले बढेर १४ अर्ब ३७ करोड रुपैयाँ पुगेको छ, निक्षेप पनि ७८.५७ प्रतिशतले बढेर १६ अर्ब ७० करोड रुपैयाँ पुग्यो । बैंकको रियल स्टेटमा भएको कर्जा लगानी गत बर्षको तुलनामा करिब ४३ प्रतिशतले बढेर ५१ करोड ५४ रुपैयाँ भएको छ । तर यो कुल कर्जाको आधारमा भने ३.५८ प्रतिशत लगानी हो । बैंकको कर्जा निक्षेप अनुपात ७६.४९ रहेको छ ।
बैंकले बैदेशिक बिनिमयबाट छ करोड ४६ लाख नाफा कमाएको छ । बैंकको कर्मचारी र अन्य खर्च ४४ प्रतिशतले बढेको छ । बैंकले यसअघि सम्भावित जोखिम बापत छुट्याएको दुई करोड ८३ लाख रुपैयाँ फिर्ता ल्याएको छ । बैंकले यसपटक सम्भावित जोखिम बापतको व्यवस्था भने ७१ प्रतिशतले बढाएर १२ करोड ३२ लाखमा सिमित पारेको छ । त्यस्तै, बैंकको कुल कर्जामा खराब कर्जाको हिस्सा ०.६७ प्रतिशत रहेको छ भने सम्भावित जोखिम वापत २१६ प्रतिशत रकम छुट्याएको छ । बैंकको सञ्चालन नाफा भने ८५ प्रतिशतले बढेर छ करोड ९३ लाख रुपैयाँ पुगेको छ ।
बैंकको सञ्चित तथा जगेडा कोषमा शतप्रतिशतले रकम वृद्धि भएर २० करोड १३ लाख रुपैयाँ पुगेको छ । बैंकको पुजी कोष पर्याप्तता १५.२७ रहेको छ । बैंकको कोष लागत ७.३२ बाट घटेर ६.२९ मा सिमित भएको छ । बैंकको बेस रेट ९.८८, प्रतिसेयर आम्दानी ४.१८ रहेको छ ।
