‘भ्यालेन्टाइन डे’मा यी हुन एशियाका रोमान्टिक रिसोर्ट (तस्वीर समाचार)

बिजमाण्डू
२०७० माघ २६ गते ००:०० | Feb 9, 2014
‘भ्यालेन्टाइन डे’मा यी हुन एशियाका रोमान्टिक रिसोर्ट (तस्वीर समाचार)
फेब्रुवरीको महिना । जताततै प्रणय दिवश (भ्यालेन्टाइन डे) को गर्मी चढेको छ । रोज डेदेखि भ्यालेन्टाइन डेसम्मका रोमान्टिक क्षणको सुन्दर साक्षीका रुपमा राख्न सकिने एशियाका रोमान्टिक स्थलका बारेमा पर्यटन लेखक चिनमोय लाडले एशियाका रोमान्टिक रिसोर्टको सूची तयार गरेका छन् । 
विश्वको सबैभन्दा ठूलो महादेश एशिया विविधताले भरिपूर्ण छ । यहाँ रोमान्सका लागि अद्धितीय स्थलहरु छन् । रमणीय द्वीप, सेता वालुवाको बीच, निलो समुद्र, हरियो जंगल र प्राकृतिक स्पा समेत यहाँ छन् । कहिले काहीं यी सबैकुरा एकै ठाउँमा पाउन सकिन्छ । यहाँ प्रस्तुत गरिएका एशियाका रोमान्टिक रिसोर्टमा भ्यालेन्टाइन डेको बेला थप गोपनियताको व्यवस्था गरिन्छ । भएन त मज्जा । 
 
सोङ स्पा प्राइभेट आईल्याण्ड  (कम्बोडिया)
सोङ स्पा रिसोर्टले अतिथीलाई आफ्नो दुःख पिडा सबै रिसोर्टमा थन्काएर बाहिर निस्कन सक्ने बनाउछ । रिसोर्ट छाडने बेलामा पैसा तिर्नु पर्ने झन्झट यहाँ छैन किनकी रिसोर्टको सम्पुर्ण खर्च बुकिङको बेला नै तिर्नुपर्छ ।
 
अमनफायुन, हान्जाउ (चीन)
यो पृथ्वीको स्वर्ग हो । मार्कोपोलेले एकपटक भनेको विश्वकै ठूलो शहरको उपमा हान्जाउस्थित अमनफायुनमा लागु हुन्छ । रोमान्सका लागि यो ठूलो शहर नै हो यहाँका गल्ली, जंगल, गाउ जताततै प्रेमीप्रेमिका छताछुल्ल भेटिन्छन । रोमान्सका लागि यो उत्कृष्ठ गन्तव्य हो, पर्यटन लेखक चिनमोय लाड लेख्छन ।
 
सेराज चिकमागलपुर, कर्नाटका (भारत)
प्रकृतिको काखमा बसेको सेरी चिकमागलपुरमा आधुनिक संसारका सबै सुविधा पाइन्छ । यो क्षेत्र कफीका हरिया बोटको मन्द सुवासले मन र मस्तिष्कलाई ताजा बनाउछ ।
 
अलिला भिल्लाज, बाली (इण्डोनेसिया)
यसको मनमोहक छटाले सबैलाई आर्कषित गर्छ । त्यसले आर्कषित गर्न सकेन भने निस्चयनै सम्पुर्ण प्राकृतिक दृश्य देखिने नितान्त गोप्य डाइनिङ स्थलले प्रणय जोडीलाई आर्कषित गर्छ नै ।
 
होसिनोवा, क्योटो (जापान)
 
जापानी आत्थ्यि सत्कार, सरलता र सहजताका साथै प्राचिन कताको खानी नै हो होसिनोवा । यहाँ बसन्त ऋतुमा हरिया वनस्पतिको रंग सुनौलो रंगमा परिर्वतन भई प्रेमी जोडिको स्वगत गरिरहेका हुन्छन । 
 
डब्लु रिट्रिट एण्ड स्पा
मालद्वीपको सबै समुद्री बीचमा रोमान्टिक सेटिङ छ । डब्लु रिट्रिट एण्ड स्पा यिनै रोमान्टिक बीचमा अवस्थित उत्कृष्ठ रिसोर्ट हो । विशाल समुद्र, बीचमा हराउन चाहने प्रणय जोडीका लागि यो स्थान एकदमै उपयुक्त छ ।  
 
फर्म एट सान बेनिटो, (फिलिपिन्स)
फिलिपिन्सको यो रिसोर्टले यहाँको डेटोक्स र स्पाका लागि विश्वव्यापी ख्याती पाएको छ । यो स्थान शरिरको मैलो मात्र होइन मनको मैलो पनि फालेर रोमान्टिक संसारमा हराउन सहज बनाउने खालको छ । यहाँका जंगलमा योगा गर्न सकिन्छ ।
 
जेट विङ भिल उयाना (श्रीलंका)
दुई हजार वर्ष पुरानो ढुंगाको किल्ला नजिक रहेको यो रिसोर्ट मानव र्सिजना र प्रकृतिको मेलको अद्धितीय उदाहरणको रुपमा रहेको छ । यहाँ भुमधयसागरको जैविक विविधताको अद्धितीय उदाहरण पाइन्छ । प्रेमी जोडीका लागि पनि यहाँ संसार भुल्ने राम्रो वातावरण छ । 
 
त्रिसारा, फुकेत, थाइल्याण्ड
त्रिसाराको अर्थ हुन्छ स्वर्गको तेस्रो बगैचा । स्लोप रहेको यो रिसोर्ट स्वर्ग जाने बाटो नै होकी भन्ने भान हुन्छ । रिसोर्टको पुल नजिकै समुद्रमा विलिन हुन जाँदै छ की भन्ने भान हुन्छ । 
 
सिक्स सेन्स निन्ह भान वे (भियतनाम)
यहाँको भिल्ला र पहराबीच आलौकिक प्राकृतिक सौन्दर्यको मिलन छ । प्रेम मिलनका लागि यो स्थान निकै उपयुक्त भएको ठहर लेखक चिनमोय लाडको छ । यहाँको पुलमा प्रेमी जोडीको प्रेम पानीसंगै मिल्छ, लाड लेख्छन ।
प्रस्तुतीः यादवराज जोशी/बिजमाण्डू
 

Tata
GBIME