काठमाडौं । रसुवामा आएको बाढीका कारण काठमाडौं जोड्ने मुख्य राजमार्गहरु अवरुद्ध छन्। बाढीको असर नुवाकोट, धादिङ र चितवनसम्म परेको छ।
मुख्य राजमार्गहरु अवरुद्ध हुँदा ढुवानीका सामान बोकेका मालवाहक ट्रकहरु कलंकी र नागढुंगा नाकामा रोकिएका छन्। बल्खुदेखि नै ट्रकहरु लामबद्ध राखिएका छन्।
सडक खुल्ने पर्खाइमा चालकहरु सवारीसाधनभित्रै कुर्न बाध्य भएका छन्। बाढीका कारण मुख्य राजमार्गहरु ठप्प भएपछि उपत्यका भित्रिने र बाहिरिने सवारी साधनको लामो लाइन लागेको हो।
प्रहरी र उद्धार टोलीले सडक संचालनमा ल्याउन प्रयास गरिरहेका छन्।
