काठमाडौं। नेपाल धितोपत्र बोर्ड(सेबोन)मा आइपीओ बिक्रीको अनुमति माग गर्दै आवेदन दिने कम्पनीको संख्या १०८ पुगेको छ।

१०८ कम्पनीले ७० अर्ब १९ करोड ५९ लाख रुपैयाँ बराबरको ४८ करोड १७ लाख ७६ हजार कित्ता सेयर निष्कासनका लागि अनुमति मागेका हुन्।

उत्पादन तथा प्रशोधन, हाइड्रोपावर, होटल तथा पर्यटन, इन्स्योरेन्स, इन्भेष्टमेन्ट र अन्य क्षेत्रका कम्पनीले निष्कासनको अनुमति मागेका छन्।

आवेदन दिएकामध्ये सबैभन्दा धेरै ३५ वटा हाइड्रोपावर कम्पनी छन्। यस्तै उत्पादन तथा प्रशोधन क्षेत्रका ३१, होटल तथा पर्यटन क्षेत्रका १८, अन्य क्षेत्रका १५ इन्भेष्टमेन्ट क्षेत्रका ६ कम्पनी र तीन वटा माइक्रो फाइनान्स छन्। उनीहरुमध्ये कतिपयले अंकित र कतिपयले प्रिमियम मूल्यमा सेयर बिक्री गर्न चाहेका छन्।

सेबोनले भने पछिल्लो ५ महिनादेखि कुनै पनि कम्पनीलाई आइपीओको अनुमति दिएको छैन।

आइपीओको अनुमति माग्दै भदौ २ गतेसम्म सेबोनको पाइपलाइनमा रहेका कम्पनी