काठमाडौं। साताको अन्तिम दिन सुनको मूल्य घटेको छ। अघिल्लो दिनको तुलनामा सुन तोलामा १३ सय रुपैयाँले घटेको नेपाल सुनचाँदी व्यवसायी महासंघले जनाएको छ।
शुक्रबारका लागि सुनको कारोबार मूल्य प्रति तोला २ लाख ४१ हजार ७ सय रुपैयाँ निर्धारण भएको हो। यो साता सुनको भाउमा उतारचढाव आइरहेको छ।
बिहीबार सुन तोलामा ७ सय रुपैयाँ बढेर प्रति तोला २ लाख ४३ हजार रुपैयाँमा कारोबार भएको थियो। बुधबार सुन प्रति तोला २ लाख ४२ हजार ३ सय रुपैयाँ थियो।
शुक्रबार चाँदीको मूल्य तोलामा ८५ रुपैयाँ घटेर प्रति तोला ३ हजार १ सय रुपैयाँ कायम भएको छ।
बिहीबार चाँदीको मूल्य तोलामा ३५ रुपैयाँ बढेर प्रति तोला ३ हजार १ सय ८५ रुपैयाँ कायम भएको थियो। बुधबार चाँदी प्रति तोला ३ हजार १ सय ५० रुपैयाँमा कारोबार भएको थियो।
अन्तर्राष्ट्रिय बजारमा शुक्रबार सुनको मूल्य घटेर प्रति औंस ४०४८.१४ डलरमा कारोबार भइरहेको छ। चाँदीको मूल्य प्रति औंस ४९.६७ डलर छ।
बिहीबार सुन प्रति औंस ४०७०.९४ डलर र चाँदी प्रति औंस ५१.३८ डलर थियो।
