काठमाडौं। बीमा कम्पनीहरुले व्यापार बढाएका छन्। नेपाल बीमा प्राधिकरणका अनुसार आव २०८१/८२ मा लाइफ र ननलाइफ इन्स्योरेन्सले खुद बीमा शुल्क आर्जन बढाएका हुन्।

तीन वटा लघुसहित १७ वटा लाइफ इन्स्योरेन्सले १ खर्ब ८२ अर्ब २७ करोड ३३ लाख रुपैयाँ प्रिमियम संकलन गरेका छन्। यो रकम अघिल्लो वर्षको तुलनामा १६.४७ प्रतिशत धेरै हो।

लाइफ इन्स्योरेन्सले अघिल्लो वर्ष १ खर्ब ५६ अर्ब ५० करोड रुपैयाँ प्रिमियम संकलन गरेका थिए।

लाइफ इन्स्योरेन्सको प्रथम बीमा शुल्क १८.६० प्रतिशतले बढेको छ। अघिल्लो वर्ष ३४ अर्ब ५१ करोड रुपैयाँ प्रथम बीमा शुल्क आर्जन गरेका लाइफ इन्स्योरेन्सले गत आर्थिक वर्ष ४० अर्ब ९३ करोड रुपैयाँ संकलन गरेका छन्।

नेपाल लाइफ इन्स्योरेन्सले सबैभन्दा धेरै ४८ अर्ब रुपैयाँ प्रिमियम संकलन गरेको छ। प्रिमियम संकलन धेरै बढाउनेमा सन नेपाल छ। यो कम्पनीले २८.८ प्रतिशतले प्रिमियम संकलन बढाएको छ।

जीवन बीमा कम्पनीले दुई आर्थिक वर्षमा आर्जन गरेको बीमा शुल्क रु लाखमा

बीमा लेख नवीकरण शुल्क १६.४७ प्रतिशतले बढेर १ खर्ब ३७ ‍अर्ब ७६ करोड रुपैयाँ पुगेको छ। अघिल्लो वर्ष लाइफ इन्स्योरेन्स कम्पनीले बीमा लेख नवीकरण शुल्कबापत १ खर्ब ५६ अर्ब ५० करोड रुपैयाँ आर्जन गरेका थिए।

इन्स्योरेन्सको बीमा लेख १२.६० प्रतिशतले बढेको छ। असारसम्म जीवन बीमा कम्पनीको १ करोड ५६ लाख ३१ हजार बीमा लेख सक्रिय रहेको प्राधिकरणको तथ्यांक छ।

यस्तै निर्जीवन बीमा कम्पनीले बीमा शुल्क संकलन ८.३१ प्रतिशतले बढाएका छन्। डेढ दर्जन निर्जीवन बीमा कम्पनीले गत वर्ष ४४ अर्ब ९१ करोड रुपैयाँ प्रिमियम संकलन गरेका छन्। उनीहरुले अघिल्लो वर्ष ४१ अर्ब ४६ करोड रुपैयाँ बीमा शुल्क आर्जन गरेका थिए।

नेसनल इन्स्योरेन्स र राष्ट्रिय बीमा कम्पनीको व्यवसायमा गिरावट आएको छ। शिखर इन्स्योरेन्सले सबैभन्दा धेरै ५ अर्ब ७९ करोड रुपैयाँ बीमा शुल्क आर्जन गरेको छ। बीमा शुल्क संकलन धेरै बढाउनेमा नेपाल इन्स्योरेन्स छ। यो कम्पनीले २८.१२ प्रतिशतले व्यापार बढाएको छ।

निर्जीवन बीमा कम्पनीले दुई आर्थिक वर्षमा आर्जन गरेको बीमा शुल्क रु लाखमा