काठमाडौं। नेको इन्स्योरेन्सले लाभांश घोषणा गरेको छ। कम्पनीको सञ्चालक समितिको बिहीबार बसेको बैठकले सेयरधनीलाई चुक्ता पुँजीको ७.३६८४ प्रतिशत प्रतिफल वितरण गर्ने निर्णय गरेको हो।
इन्स्योरेन्सले आर्थिक वर्ष २०८०/८१ को मुनाफाबाट ७ प्रतिशत बोनस सेयर र त्यसको कर प्रयोजनका लागि ०.३६८४ प्रतिशत नगद लाभांश घोषणा गरेको छ।
कम्पनीको चुक्ता पुँजी हाल २ अर्ब ५१ करोड रुपैयाँ छ। नेपाल बीमा प्राधिकरणको स्वीकृति र कम्पनीको आगामी साधारण सभाबाट पारित भएपछि सेयरधनीले लाभांश पाउनेछन्।
नेकोले २०७७/७८ र २०७८/७९ मा १५/१५ प्रतिशत बोनस सेयर वितरण गरेको थियो।
