काठमाडौं। रिभर फल्स पावर कम्पनीले आफ्नो लकइन अवधि आगामी जेठ ८ गते समाप्त हुने बताएको छ।
कम्पनीले बिहीबार नेपाल स्टक एक्सचेन्ज, नेपाल धितोपत्र बोर्ड लगायतलाई पत्र लेखेर लकइन अवधि समाप्त हुन लागेको जनाएको छ।
लकइन अवधि सकिएपछि संस्थापक सेयरधनी, कर्मचारी र स्थानीयका लागि बाँडफाँड गरिएको सेयर किनबेचको ढोका खुल्नेछ।
कम्पनीले २०७९ जेठमा सर्वसाधारणका लागि आइपीओ निष्कासन गरेको थियो।
सर्वसाधारणका लागि आइपीओ वितरण गरेको मितिले ३ वर्ष कम्पनीका संस्थापक सेयरधनी, कर्मचारी र स्थानीयका लागि लकइन लागू हुने प्रावधान छ।
