काठमाडौं। महालक्ष्मी विकास बैंकले भारतको प्रतिष्ठित म्यागजिन ‘विजनेस कनेक्ट’बाट अवार्ड पाएको छ। बैंकले ग्राहक केन्द्रित बैंकको अन्तर्राष्ट्रिय अवार्ड पाएको जनाएको छ।
निरन्तर रुपमा ग्राहक सेवालाई विशिष्टीकृत गर्दै लगेको, ग्राहक सन्तुष्टिलाई पहिलो प्राथमिकतामा राखेको, ग्राहकहरुलाई अत्याधुनिक, सुरक्षित तथा सहज बैंकिङ सुविधा उपलब्ध गराएको तथा ग्राहकलाई सुरक्षित र डिजिटल सुविधाहरू उपलब्ध गराएको आधारमा म्यागजिनले बैंकलाई सम्मान गरेको हो।
सम्मान पाएसँगै ग्राहक सेवा प्रणालीलाई अझ प्रभावकारी बनाउँदै आगामी दिनहरूमा वित्तीय पहुँचबाट बाहिर रहेका आम नेपाली नागरिकहरूलाई समेत बैंकिङ प्रणालीभित्र ल्याउन सकिने तथा अन्तर्राष्ट्रिय क्षेत्रमा बैंकको पहिचान स्थापित गर्न सहयोग पुग्ने विश्वास बैंकले लिएको छ।
