काठमाडौं। सिटिजन्स बैंक इन्टरनेसनल लिमिटेडले बेबी लाइफ होमलाई २ लाख रुपैयाँ आर्थिक सहयोग प्रदान गरेको छ।
बेबी लाइफ होम करिब डेढ दशकदेखि एचआईभी संक्रमित अबोध बालबालिकालाई लालनपालन, स्वास्थ्य उपचार, शिक्षा, मनोरञ्जन प्रदान गर्दै आएको संस्था हो। बैंकले आफ्नो १८औं वार्षिक उत्सवको उपलक्ष्यमा उक्त संस्थालाई आर्थिक सहयोग प्रदान गरेको जनाएको छ।
बेबी लाइफ होममा हाल २७ जना एचआईभी संक्रमित बालबालिका आश्रित छन्। विशेषगरी विपन्न समुदायमा जन्मेका एचआईभी पोजिटिभ भएका बालबालिकालाई शिक्षा प्राप्त गर्ने आधारभूत अधिकार प्रदान गर्न संस्थालाई संचालनमा केही सहजता होस् भन्ने हेतुले आर्थिक सहयोग गरेको बैंकले जानकारी दिएको छ।
बैंकले २ लाख रुपैयाँको चेक संस्थाका संचालक राज कुमार पुनलाई हस्तान्तरण गरेको छ। उक्त रकम बालबालिकाको खानपान, शिक्षा र स्वास्थोपचारमा खर्च गर्ने संस्थाका संचालक पुनले जानकारी दिए।
