काठमाडौं। साताको पहिलो दिन सुनको मूल्य सामान्य बढेको छ। आइतबार सुन तोलामा १०० रुपैयाँ बढेको हो।
नेपाल सुनचाँदी व्यवसायी महासंघका अनुसार सुनको मूल्य प्रति तोला १ लाख ७० हजार ३०० रुपैयाँ निर्धारण भएको छ।
गत शुक्रबार ५०० रुपैयाँ घटेर प्रति तोला १ लाख ७० हजार २०० रुपैयाँमा कारोबार भएको थियो।
चाँदीको मूल्य आइतबार घटेको छ। चाँदीको भाउ तोलामा ५ रुपैयाँ घटेर प्रति तोला १ हजार ९८५ रुपैयाँ कायम भएको छ।
अन्तर्राष्ट्रिय बजारमा आइतबार सुनको मूल्य प्रति औंस २९११.१७ डलर र चाँदीको मूल्य प्रति औंस ३२.५५ डलर छ। शुक्रबार सुन प्रति औंस २९०८.३ डलर र चाँदी प्रति औंस ३२.६१ डलर थियो।
