काठकाडौं। नेपाल स्टक एक्सचेन्जमा तीन कम्पनीको ३२ लाख ३१ हजार भन्दा धेरै बोनस सेयर सूचीकृत भएको छ। नेप्सेमा बुधबार स्वावलम्बन लघुवित्त, अरुण भ्याली हाइड्रोपावर र गुराँस लघुवित्तको बोनस सेयर सूचीकृत भएको हो।
स्वावलम्बन लघुवित्तले आर्थिक वर्ष २०८०/८१ को मुनाफाबाट सेयरधनीलाई १४.२५ प्रतिशत बोनस सेयर वितरण गरेको थियो।
कम्पनीले गत वर्षको मुनाफाबाट वितरण गरेको २० लाख ६६ हजार २५० कित्ता सेयर नेप्सेमा सूचीकृत भएको हो। बोनस सेयरपछि कम्पनीको चुक्ता पुँजी १ अर्ब ६५ करोड ६६ लाख रुपैयाँ पुगेको छ।
अरुण भ्याली हाइड्रोपावरको ११ लाख २० हजार ७७८ कित्ता बोनस सेयर थपिएको छ। कम्पनीले गत वर्षको मुनाफाबाट सेयरधनीलाई ३ प्रतिशत बोनस सेयर वितरण गरेको थियो। बोनस सेयर सूचीकृत भएसँगै कम्पनीको चुक्ता पुँजी ३ अर्ब ८४ करोड ८० लाख रुपैयाँ पुगेको छ।
यस्तै, गुराँस लघुवित्तको १ लाख ४४ हजार ४९५ कित्ता सेयर थपिएको छ। योसँगै कम्पनीको चुक्ता पुँजी ११ करोड ५८ लाख रुपैयाँ पुगेको छ। कम्पनीले गत वर्षको मुनाफाबाट सेयरधनीलाई १४.२५ प्रतिशत बोनस सेयर वितरण गरेको थियो।
