काठमाडौं। मिथिला लघुवित्तले गत आर्थिक वर्षको मुनाफाबाट सेयरधनीलाई वितरण गर्ने घोषणा गरेको लाभांश संशोधन गरेको छ।
कम्पनीको सञ्चालक समिति बैठकले लाभांश संशोधन गरेको हो।
यसअघि १४.२८६ प्रतिशत बोनस सेयर र ०.७१४ प्रतिशत नगद लाभांश वितरण गर्ने घोषणा गरेको लघुवित्तले त्यसलाई संशोधन गरी १४.२५ प्रतिशत बोनस सेयर र कर प्रयोजनार्थ ०.७५ प्रतिशत नगद लाभांश वितरण गर्ने निर्णय गरेको छ।
लघुवित्तले यसअघि पत्र पठाउँदा भुलवश अन्यथा भएको भन्दै लाभांश संशोधन गरिएको जनाएको छ।
लघुवित्तको संशोधित लाभांश नेपाल राष्ट्र बैंकबाट स्वीकृत भई वार्षिक साधारण सभाले पारित गरेपश्चात सेयरधनीलाई वितरण गरिनेछ।
