काठमाडौं । सानिमा माई हाइड्रोपावरले लाभांश घोषणा गरेको छ। कम्पनीले आर्थिक वर्ष २०८०/८१ को मुनाफाबाट सेयरधनीलाई बोनस सेयर वितरण गर्नेछ।
बुधबार बसेको कम्पनी संचालक समिति बैठकले चुक्ता पुँजीको १० प्रतिशतले हुन आउने ३३ करोड ९८ लाख १७ हजार रुपैयाँ बराबरको प्रतिफल दिने निर्णय गरेको हो।
कम्पनीको ३ अर्ब ३९ करोड ८१ लाख रुपैयाँ चुक्ता पुँजी छ। कम्पनीले पुस २८ गते साधारण सभा तय गरेको छ। यस्तै, पुस ९ गते बुक क्लोज तोकेको छ। बुक क्लोजअघि कायम सेयरधनीले लाभांश पाउनेछन्।
कम्पनीले अघिल्लो वर्ष पनि १० प्रतिशत बोनस सेयर वितरण गरेको थियो।
