काठमाडौं । मञ्जुश्री फाइनान्सले लाभांश घोषणा गरेको छ। आइतबार बसेको कम्पनीको सञ्चालक समिति बैठकले सेयरधनीलाई नगद प्रतिफल वितरण गर्ने निर्णय गरेको हो।
फाइनान्सका सेयरधनीले आर्थिक वर्ष २०८०/८१ को नाफाबाट कर प्रयोजन सहित ६.३५ प्रतिशतले हुन आउने ८ करोड ५८ लाख २३ हजार ६०५ रुपैयाँ बराबरको प्रतिफल पाउने भएका छन्।
कम्पनीको चुक्ता पुँजी १ अर्ब ३५ करोड १५ लाख रुपैयाँ छ। नेपाल राष्ट्र बैंकको स्वीकृति र साधारणसभाबाट पारित भएपछि सेयरधनीले लाभांश प्राप्त गर्नेछन्।
कम्पनीले आर्थिक वर्ष २०७९/८० मा ५.२६ प्रतिशत नगद लाभांश वितरण गरेको थियो।
