काठमाठौं। बिहीबार सुनको मूल्य तोलामा १ सय रुपैयाँले घटेको छ।
नेपाल सुनचाँदी व्यवसायी महासंघका अनुसार बुधबार प्रतितोला १ लाख ५३ हजार ४ सयमा कारोबार भएको सुन बिहीबार १ लाख ५३ हजार ३ सय रुपैयाँ निर्धारण भएको छ।
बुधबार सुनको मूल्य हालसम्मकै उच्च विन्दुमा पुगेर कीर्तिमान कायम गरेको थियो।
यस्तै, चाँदीको मूल्य तोलामा १५ रुपैयाँले बढेको छ। बुधबार प्रति तोला १ हजार ७ सय ८० रुपैयाँमा कारोबार भएको चाँदी बिहीबार भने १ हजार ७ सय ९५ रुपैयाँ निर्धारण भएको छ। रासस
