काठमाडौं । शिखर इन्स्योरेन्सले चालु आर्थिक वर्ष चैतसम्म ३९ करोेड २ लाख रुपैयाँ खुद नाफा कमाएको छ। कम्पनीले ९ महिनामा आर्जन गरेको नाफा पोहोर चैतसम्मको तुलनामा २६.२३ प्रतिशतले धेरै हो।

कम्पनीले पोहोर चैतसम्म ३० करोड ९१ लाख रुपैयाँ खुद नाफा आर्जन गरेको थियो। शिखरले खुद बीमा शुल्क आर्जन वृद्धि गरेसँगै नाफामा सुधार देखिएको छ।

९ महिनामा खुद बीमा शुल्क १६.०६ प्रतिशते वृद्धि भएको छ। गत वर्ष चैतसम्म ९३ करोड १९ लाख रुपैयाँ खुद बीमा शुल्क आर्जन गरेको कम्पनीले यस वर्ष १ अर्ब ८ करोड १६ लाख रुपैयाँ कमाएको छ।

कम्पनीको चुक्ता पुँजी २ अर्ब ६५ करोड ४९ लाख रुपैयाँ छ। प्रति सेयर आम्दानी पोहोर ९ महिनामा १५.५३ रुपैयाँ रहेकोमा चालु वर्ष चैतसम्म आइपुग्दा ४.०७ रुपैयाँले वृद्धि भएर १९.६ रुपैयाँ पुगेको छ। हाल कम्पनीको प्रति सेयर नेटवर्थ १९९.४९ रुपैयाँ रहेको छ।