काठमाडौं। सिटिजन्स बैंक इन्टरनेशनलले १० वर्ष अवधिको ऋणपत्र जारी गर्ने भएको छ। बैंकले ‘१०% सिटिजन्स बैंक डिबेन्चर २०९०’ जारी गर्न लागेको हो।
बैंकले असोज १७ गतेदेखि २१ गतेसम्म ऋणपत्र निष्कासन गर्ने छ। यसभित्र बिक्री भएन भने कात्तिक १ गतेसम्म बिक्री खुला हुने छ।
बैंकले कुल ३ अर्ब रुपैयाँको ऋणपत्र जारी गर्ने छ। वार्षिक ब्याज १० प्रतिशत दिने छ।
कुल ३० लाख कित्तामध्ये १८ लाख कित्ता ‘प्राइभेट प्लेसमेन्ट’ र बाँकी सर्वसाधारणलाई बिक्री गरिने छ।
ऋणपत्रको अंकित मूल्य १००० रुपैयाँ छ। यसमा कम्तिमा २५ कित्ता र अधिकतम सबै कित्ता खरिद गर्न सकिने छ।
