काठमाडौं। कात्तिकमा बैंकहरुको निक्षेप ३५ अर्ब ३० करोड रुपैयाँले घटेको छ। अधिकांश बैंकको निक्षेप घटेको छ। केहीले भने राम्रो निक्षेप बढाएका छन्।

कात्तिकमा सबैभन्दा बढी हिमालयन बैंकले निक्षेप बढाएको छ भने एनआइसी एसियाको सबैभन्दा धेरै घटेको छ। यद्यपि दुवै बैंकले कात्तिकमा ब्याज बढाएका थिए। १९ वटा बैंकको निक्षेप घटेको छ।

हिमालयन बैंकले १४ अर्ब ६० करोड रुपैयाँले निक्षेप बढाएको छ। बैंकको निक्षेप एक खर्ब ६५ अर्ब ५० करोड नाघेको छ। यसपछि एनएमबि बैंकले ४ अर्ब ८७ करोड रुपैयाँले बढाएको छ। बैंकको निक्षेप एक खर्ब ८० अर्ब ५४ करोड नाघेको छ। एनएमबिपछि लक्ष्मी बैंकको ४ अर्ब ५७ अर्बले बढेर एक खर्ब २५ अर्ब २१ करोड रुपैयाँ पुगेको छ।

एनआइसी एसियाको १३ अर्ब ८९ करोड रुपैयाँले निक्षेप घटेको छ। बैंको निक्षेप ३ खर्ब नाघिसकेको थियो। अब २ खर्ब ९७ अर्ब ५५ करोडमा सीमित भएको छ। यसपछि राष्ट्रिय वाणिज्य बैंकको १० अर्ब ३४ करोड रुपैयाँले घटेर २ खर्ब ३१ अर्ब ५५ करोडमा सीमित भएको छ। 

बैंकहरुको ऋण लगानी भने कात्तिकमा मात्र ३६ अर्ब रुपैयाँले बढेको छ। यद्यपी ९ वटा बाणिज्य बैंकको ऋण लगानी घटेको छ। सबैभन्दा बढि हिमालयन बैकले ऋण बढाएको छ। बैंकले ६ अर्ब ७ करोड रुपैयाँले बढाएर १ खर्ब ५१ अर्ब ८९ करोड रुपैयाँ पुर्याएको छ। यसपछि नेपाल बैंक, लक्ष्मी बैंक र सनाराइज बैंकले बढाएको छ। उनीहरुले चार अर्बभन्दा बढिले ऋण बढाएका छन्।

राष्ट्रिय बाणिज्य बैंकको २ अर्ब ५६ करोड र एनआइसी एसियाको १ अर्ब २१ करोडले ऋण घटेको छ।