काठमाडौं। तेह्रथुम पावर कम्पनी लिमिटेडको सेयर रजिष्ट्रार सम्बन्धी कार्य गर्नको निमित्त सेयर रजिष्ट्रारको रूपमा नेपाल बंगलादेश क्यापिटल लिमिटेड चयन भएको छ। क्यापिटल र तेह्रथुम पावरबीच सम्झौता भएको छ।

सम्झौतामा तेह्रथुम पावरका प्रबन्ध सञ्चालक मोहनकुमार डाँगी र नेपाल बंगलादेश क्यापिटलका नायब महाप्रबन्धक रामकुमार महतले हस्ताक्षर गरेका छन्। 

सेयर निष्कासनपछि तेह्रथुमको चुक्ता पुँजी ४० करोड पुगेको छ। यसमध्ये २८ करोड रकम संस्थापकहरुबाट र बाँकी ३० प्रतिशत अर्थात १२ करोड रकम सर्वसाधारणबाट उठाइएको छ।  

कम्पनी सूचीकरण र सीडीएस एण्ड क्लियरिङ लिमिटेडमा अभौतिकीकरण गरी दोस्रो बजारमा कारोबार हुने व्यवस्था मिलाइने जनाएको छ।