काठमाडौं। सेयर बजार सुस्ताउँदा किनबेचमा उच्च गिरावट आएको छ। चालु आर्थिक वर्ष २०८३/८४ को साउनमा ९५ अर्ब ३५ करोड रुपैयाँको सेयर कारोबार भएको छ।

यो रकम अघिल्लो वर्ष साउनको तुलनामा ६७.०७ प्रतिशत कम हो। पोहोर साउनमा २ खर्ब ७९ अर्ब रुपैयाँको सेयर किनबेच भएको थियो।

बजारमा ऋणपत्र बाहेक सबैको कारोबार घटेको छ। साउनमा १ अर्ब ३२ करोड रुपैयाँ बराबरको ऋणपत्र किनबेच भएको छ।

अन्य समूहको सेयर किनबेच सबैभन्दा धेरै ९० प्रतिशतले घटेको छ। हाइड्रोपावरको सबैभन्दा धेरै ४४ अर्ब रुपैयाँको सेयर किनबेच भएको छ। यस्तै वाणिज्य बैंकको ११ अर्ब २१ करोड रुपैयाँको सेयर किनबेच भएको छ।

बजारमा ठूला लगानीकर्ता सेयर किनबेचका लागि तयार नहुँदा कारोबारसँगै सूचक घटेको छ। नेप्से परिसूचक अहिले २६२२ अंकमा छ। नेप्से संगै कारोबार रकम घट्दा सरकारको आम्दानीमा समेत असर परेको छ। यो वर्ष साउनमा सेयर बजारबाट सरकारले जम्मा ६२ करोड ४९ लाख रुपैयाँ पुँजीगत लाभकर पाएको छ।

दुई आर्थिक वर्ष साउनको सेयर कारोबार रु दश लाखमा