काठमाडौं। रेमिटेन्स आप्रवाह ३८.२ प्रतिशतले बढेको छ। नेपाल राष्ट्र बैंकका अनुसार यो आर्थिक वर्ष ११ महिनामा २१ खर्ब २० अर्ब ८० करोड रुपैयाँ रेमिटेन्स भित्रिएको छ।
त्यसमध्ये २ खर्ब ३ अर्ब ८९ करोड रुपैयाँ जेठ महिनामा भित्रिएको हो। अघिल्लो वर्ष सोही महिनामा १ खर्ब ७६ अर्ब ३२ करोड रुपैयाँ रेमिटेन्स भित्रिएको थियो।
पोहोर ११ महिनामा रेमिटेन्सको वृद्धि १५.६ प्रतिशतमा सीमित थियो।
यस वर्ष ११ महिनामा ७ लाख २३ हजार युवा वैदेशिक रोजगारीमा गएका छन्। पोहोर ११ महिनामा कामका लागि ७ लाख ६० हजार विदेशिएका थिए।
