काठमाडौं । प्रतिनिधिसभा निर्वाचनको मौन अवधि नजिकिँदा दलहरुले आफ्नो चुनाव प्रचारप्रसारलाई तिब्र बनाएका छन्। नेपाली कांग्रेसले आज काठमाडौं केन्द्रित प्रचारप्रसार गरेको छ।
काठमाडौंका विभिन्न निर्वाचन क्षेत्रमा आज सभाहरु आयोजना गरिए। काठमाडौं ४ मा आयोजित सभामा कांग्रेस सभापति गगन थापा पुगे। यसअघि काठमाडौं ४ बाट प्रतिस्पर्धा गर्दै आएका उनी यसपटक सर्लाही ४ पुगेका छन्।
काठमाडौं ४ बाट उनले आफ्ना विश्वासपात्र सचिन तिलिम्सिनालाई टिकट दिएका छन्।
