बुटवल। पहिरोले अवरुद्ध भएको बुटवल-पाल्पा सडकखण्ड संचालनमा आएको छ। बिहीबार दिउँसो सिद्धार्थ राजमार्ग अन्तर्गत पाल्पाको तिनाउ गाउँपालिका-३ स्थित माथिल्लो सिद्धबाबा मन्दिर नजिकै पहिरो झरेपछि सडक अवरुद्ध भएको थियो।
पहिरो हटाइएपछि सवारीसाधन संचालन गरिएको जिल्ला प्रहरी कार्यालय पाल्पाका प्रहरी निरीक्षक भुपेन्द्र थापाले जानकारी दिए। सडक संचालनमा आएसँगै बीच बाटोमै रोकिएका सवारीसाधन गन्तव्य तर्फ हिँडेका छन्।
बुटवल-पाल्पा सडकखण्डको यो क्षेत्रमा हरेक वर्षायाममा निरन्तर पहिरो बग्दै आएको छ। पहिरो झरिरहने भएकाले बुटवलदेखि झुम्सासम्मको सडकलाई असुरक्षित मानिन्छ।
