सुन तोलाको ६० हजार पाँच सय नाघ्यो, तीन सातामा तीन हजार रुपैयाँले बढ्यो

बिजमाण्डू
२०६९ भदौ २१ गते ००:०० | Sep 6, 2012
सुन तोलाको ६० हजार पाँच सय नाघ्यो, तीन सातामा तीन हजार रुपैयाँले बढ्यो


काठामाडौं । विहिवार पनि सुन प्रति तोलामा तीन सय ३६ रुपैयाँले बढ्यो । नेपाल सुन चाँदी व्यवसायी संघले विहिवारका लागि छापावाला  सुन प्रति तोलाको ६० हजार पाँचसय ३६ रुपैयाँ मूल्य तोकेको छ । बुधवार सुन तोलामा दुई सय रुपैयाले बढेर ६० हजार दुइ सय रुपैयाँमा कारोवार भएको थियो ।
साताको सुरुदेखि नै उकालो लागेको सुनको मुल्य साताको दोस्रो दिन भने केहि घटेको थियो  त्यस यता सुनको मुल्य लगातार वृद्धि भैरहेको छ । अन्तराष्ट्रिय बजारमा सुनको मुल्यमा भइरहेको वृद्धि सगै स्वदेशी वजारमा पनि सुनको मुल्यमा उच्च वृद्धि भएको हो । विहिवार अन्तराष्ट्रिय बजारमा सुन प्रतिऔंस शुन्य दशमलव ७० प्रतिशतले वृद्धि भएर १७०५ डलर पुगेको छ ।
नेपालमा पछिल्लो तीन सातामा मात्रै सुन प्रतितोलामा तीन हजार रुपैयाँले बढेको छ । तीन साता अघि भदौ १ गते सुन प्रतितोला ५७ हजार पाँच सय रुपैयाँमा कारोवार भएको थियो ।

Tata
GBIME
Nepal Life