काठमाडौं। कुथेली बुखरी स्मल हाइड्रोपावरले लगानीकर्तालाई गत आर्थिक वर्षको मुनाफाबाट चुक्ता पुँजीको १८ प्रतिशत बोनस सेयर वितरण गर्ने भएको छ।
कम्पनीको सञ्चालक समितिको बुधबार बसेको बैठकले १८ प्रतिशत बोनस सेयर र त्यसको कर प्रयोजनार्थ ०.९४ प्रतिशत नगद लाभांश वितरण गर्ने निर्णय गरेको छ। हाइड्रोपावरको चुक्ता पुँजी हाल १४ करोड ७४ लाख ५९ हजार रुपैयाँ छ।
विद्युत नियमन आयोगको स्वीकृति र कम्पनीको आगामी १५औं वार्षिक साधारण सभाबाट पारित भएपछि सेयरधनीले प्रस्तावित लाभांश पाउनेछन्।
