काठमाडौं। हाथवे इन्भेष्टमेन्टका आधारभूत सेयरधनी हेमराज ढकालले २० लाख कित्ता सेयर बिक्रीमा राखेका छन्। उनले आफ्नो नाममा रहेको २० लाख कित्ता सेयर बिक्री गर्न बिहीबार निवेदन दिएका छन्।
ढकालले सेयर आगामी ३ महिनाभित्र बिक्री गर्ने मनसायसहित निवेदन दिएको कम्पनीले जनाएको छ।
कम्पनीका आधारभूत सेयरधनीहरुले आफूले धारण गरेको सेयरको ५ प्रतिशत वा सो भन्दा बढी सेयर बिक्री गर्नु १५ दिन अगावै जानकारी गराउनुपर्ने प्रावधान छ।
नेपाल धितोपत्र बोर्ड (सेबोन)ले भदौ ९ गते दिएको निर्देशन अनुसार कम्पनीले ढकालले सेयर बिक्री गर्न चाहेको जानकारी नेपाल स्टक एक्सचेन्जलाई गराएको हो।
