काठमाडौं। आन्तरिक राजस्व विभागले करदाता प्रोत्साहन उपहारका विजेता घोषणा गर्ने कार्यक्रम स्थगित गरेको छ।
भदौ १ देखि १५ गतेसम्म खरिदबिक्री गरी बिलबिजक लिएका ग्राहकबाट मंगलबार उपहार विजेता घोषणा गर्ने कार्यक्रम थियो।
भदौ १० गतेको बाढीले रसुवा, नुवाकोट र धादिङमा पुर्याएको क्षतिपछि उत्पन्न परिस्थितिका कारण कार्यक्रम स्थगित गरिएको विभागले जनाएको छ।
विभागका अनुसार भदौ १ देखि १५ गतेसम्मका विजेताको घोषणा अब असोज १ गते हुनेछ। त्यसदिन भदौ महिनाभर कारोबार गरेका मध्येबाट ३० जना उपहार विजेता र दुई जना बम्पर उपहार बिजेता छनोट हुनेछन्।
