काठमाडौं। वाणिज्य, आपूर्ति तथा उपभोक्ता संरक्षण विभागले एक गर्ल्स होस्टललाई ५० हजार जरिवाना गरेको छ।
विभागले बुधबार उपत्यकाको विभिन्न ठाउँमा बजार अनुगमन गरेको थियो। त्यसक्रममा होस्टलसहित अन्य ३ फर्मलाई जरिवाना गरिएको हो।
धोबिघाटमा संचालित टाउन ब्वाइज एण्ड गर्ल्स होस्टललाई ५० हजार रुपैयाँ जरिवाना गराएको हो।
त्यस्तै, जावलाखेलमा रहेको ब्यु फक्स रेष्टुरेन्टलाई २० हजार, बौद्धको शाम्भाला होमलाई १० हजार र कोल्ड एण्ड स्पाइसी नुडल्सलाई ५ हजार जरिवाना गरिएको विभागले जनाएको छ।
साथै, विभागले ५ वटा व्यवसायीक फर्मलाई सामान्य निर्देशन दिएको जनाएको छ।
