काठमाडौं। खोला किनारका अतिक्रमित जग्गा खाली गराउन सरकारको पूर्वघोषित योजना अनुसार शनिबार बिहानदेखि थापाथलीमा डोजर चलेको छ। सुकुम्बासीका घरटहरा भत्काउन सुरु भएको छ।
सुकुम्बासीहरुलाई सरकारले शुक्रबार साँझसम्म खोला किनार खाली गर्न भनेको थियो। सरकारी सूचनाअनुसार धेरै ठाउँबाट सुकुम्बासीले सामान सारेका छन्। कतिपय स्थानमा बाहिरै असरल्ल छन्।
शनिबार बिहानै परिचालित सुरक्षाकर्मीले सामान सार्न सघाएका छन्। अघिल्लोपल्टजस्तो यसपटक सुकुम्बासी प्रतिकारको मनस्थितिमा देखिएका छैनन्। खोला किनारका अतिक्रमित क्षेत्र खाली गराउन नेपाल प्रहरी, सशस्त्र र महानगर प्रहरी परिचालित छन्।
